كيف تصنع أوله

استعرض الموضوع السابق استعرض الموضوع التالي اذهب الى الأسفل

كيف تصنع أوله

مُساهمة  Admin في الجمعة يوليو 29, 2011 7:51 pm

بسم الله الرحمن الرحيم
ممكن تسمحوا لي اخوانى ان نتحدث عن طريقه صناعه الاوله

وكيف نحافظ عليها
اولا
اول شىء فى اختيار حمام الاولى هو اختيار الزغلول الجيد صحيا وبدنيا وبيكون طبعا ذكر
اختيار الانواع بيرجع للغاوى لانه بيختار زغلول ناصح ورعن مش بيختار نوع
ويفضل الزغلول فرخ الشتاء لانه بتكون صحته كويسه وريشته عريضه

ثانيا
عدد الزغاليل بيكون من 10\20 \ 50 زغلول او حسب امكنياتك
بس ان كان عدد الزغاليل كبير بيتقسم لطرايح اتنين او ثلاثه حسب العدد
وفى حالة التقسيم كل طريحه بتطلع لوحدها بميعاد ثابت و بتتكلف بميعاد ثابت

ملحوظه
لازم الزغاليل كلها تكون فى عمر واحد تقريبيا

دشار الزغاليل
ان كانت الزغاليل ليسه ما بتعرفشى ترفع يعنى ما تعرفشى تطلع على الظهر فبتسبها فى الارضيه
وهى تطلع لوحدها (فيه ناس بتطلع الحمام باديها وده طبعا غلط حمام الاوله ما يتمسكشى بالايدى )
وان كانت الزغاليل اكبر شويه يعنى ممكن تطلع الظهر سيبها فى الارضيه واقفل القمرايه ( الشبكه)عليهم
لمده يوم او اتنين وتكلفهم فى ميعاد كلفة ارضيه يعنى فى ارضيه الغيه علشان يحفظوا الارضيه
وبعدين بتفتح لهم القمرايه وبتسيبهم براحتهم (مع المتابعه الجيده منك) علشان ان زغلول قام لف وانت لاقيته هيبعد تقلقله الزغاليل فا ما يبعدشى
وطبعا وانت قاعد مع حمامك خاليهم سايبين وقبل ما تسيبهم اقفل عليهم فى مصاطب علشان الزغاليل تحفظ بعضها
وكلفتك ليهم هتكون بعد كده فى المصطبه علشان تعرف تحبسهم الاول كانت ارضيه علشان يحفظوا الارضيه
دلوقتى كلفة مصاطب علشان يحفظوا المصطبه بتاعتهم ويحفظوا بعض ( وطبعا المصطبه بتحت فيها عدد زغاليل حسب المساحه بتاعتها)
فى الاول الزغاليل بتقوم تتنطط حوالين الغيه متفرطين ( يعنى كل فرد فى ناحيه) لحد لما بيحفظوا بعض دون تدخل منك (يعنى انت ما تهشش فيهم) هما هيقوموا لوحدهم والكلام ده طبعا فى الفتره الاولى بيكون الصبح بدرى (علشان الزغاليل ما تضربشى( وترجعوا تدعوا عليه)
وبعد ما الزغاليل بتبداتنشف على الظهر وتعرف دورتها وتعرف محطها( اتجاه المحط مهم جداااافى النش)
وتحفظهم كويس بتكون بدئت تفك ريش ( ريشه او اتنين بالكتير)تبداء انت بالتعامل معاهم وهنا بيبداء دور الغاوى
وبصمته على الحمام بتاعه
اولا نش الزغاليل الصبح بدرى علشان تحافظ عليهم وتبدا تاخر يوم بعد يوم لحد العصارى كده واوعى تزود عن كده لحد الحمام ما يفك ثلاث اربع ريشات تبداء الجرد بتاعك وهو انك بتختار الحمام اللى بيعلى اكتر وبيجرى اكتر
وبتخليه اوله والحمام اللى بيقع من وسطهم او بينزلهم تاخره فى الطيران عنهم
وفى نفس الوقت بيكون الحمام كشف الدكور من النتى انت بدورك بتحجز النتى ما بترمهاش معاهم لا فى الطيران ولا فى المصاطب لانها لو زافت هتبوظ الدكور وممكن تضرب منك هى والدكور
نبداء بعد كده نقرص اكتر على الحمام نزيد وقت الطيران شويه شويهبتاخر طيران الحمام( احنا بنسميها نرمى عصارى)
ونزود الوقت تدريجيا وده بيرجع لصحة حمامك ومقدرته وتعوده منك انت
ملحوظه

مش لازم علشان نقرص على الحمام اننا نقف فوق الغيه ونصفر ونخبط ونزهق الناس مننا
كفايه قوى علم نحطه على ظهلر الغيه ونعود الحمام يخاف منه وده طبعا لما نلاقى الحمام نازل بنشيل العلم ومافيش فرد حمام يحط على الظهر والعلم موجود
واهم شىء فى محط الحمام انت ما تقفشى فى وشه خالى دايما حمامك رعن (حزر) علشان تعرف تتعامل معاه
وبنقررها تانى حمام الاولى لا يمسك بالايدى ومفيش حاجه اسمها الحمام ياخد على صحبه وياكل من ايده والكلام ده مرفوض فى حمام النش
والطيران بميعاد والكلفه بميعاد
الوضع ده لحد الحمام ما يرمى عديله (الريشه التاسعه) قبل الصمه نبداء نبوب الحمام بمعنى كل دكر فى باب لوحده بمكلف بمسقه بانجر ان امكن
والكلفه تبقى فى الببان
قبل موسم النش( اخر اكتوبر ) بيبداء تشميس الحمام بيكون حمامك رمى الصمايم وجاهز لخوض معركة المجال
تبداء رمى عصارى وتاخر كل يوم شويه لحد الحمام ما يكون جاهز لنش المغرب انت بتقرص شويه كمان عليهم
علشان تقفل درب الحمام( علشان يعرف يطير بالليل ) وما يتمسكشى ان اتزنق بره
ملحوظه بعد ما تقفل دروب الحمام يفضل عدم طيرانه الصبح
انا طولت عليكم بس حاسس انى ليسه فيه كتير ما قولتوش والموضوع ليسه ناقص
لاكن عليكم انتوا التعليق واللى شايف انى مخطىء فى شىء يقول علشان احنا كلنا هنا للا فاده والاستفاده
وانا ما بزعلشى من حد
وشكراااااااا ليكم جميعا وللموقع الجميل ده
وارجو ان يكون كلامى فيه بعض الافاده

avatar
Admin
Admin

عدد المساهمات : 36
تاريخ التسجيل : 14/07/2011
الموقع : http://egyptainswif.lolbb.com

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى